जाकोमेट्टीका अतियथार्थवादी मूर्तिकलामा अस्तित्वको सङ्कट ( Surrealistic Sculptures of Giacometti: Crisis of Existence

Abstract

सरियालिस्टिक (अतियथार्थवादी) कला आन्दोलनस“ग मूर्तिकार अल्बेर्टो जाकोमेट्टीको संलग्नता छोटो समयसम्म मात्र रहेको थियो, तथापि उनका मूर्ति रचनाहरूलाई यस शैलीदेखि पृथक राखेर चर्चा गर्न सकिँदैन । उनका अतियथार्थवादी मूर्ति रचनामा ‘मास’ अर्थात् पदार्थको आयतनको नियमलाई भङ्ग गरिएकाले तिनमा वास्तविक तथ्यभन्दा भावनात्मक अपिल अर्थात मूर्ति नै रहन नसक्ने अवस्थाको सिर्जना भएको पाइन्छ । जाकोमेट्टीका पछिल्लो कालका कलामा मानव आफ्ना मात्र नभएर प्रकृतिको समेत दबाबमा गुज्रिरहेको वस्तुगत तथ्यका अतिरिक्त अस्तित्वको खोजको अलग धार पाइन्छ । प्रस्तुत लेखमा जाकोमेट्टीका मूर्ति रचना र अस्तित्ववादी विचारबिचको तादात्म्यलाई विश्लेषणात्मक अध्ययन गरिएको छ ।