अछामी भाषाको अध्ययन

Abstract

प्रस्तुत आलेख अछामी भाषाको अध्ययनसँग सम्बन्धित रहेको छ । यसमा भाषाको परिचय, संसारका भाषा परिवार, नेपाली भाषा, त्यसको उद्भवविन्दु, वि.सं. २०६८ को जनगणनामा सबै मातृ भाषालाई राष्ट्रभाषाको मान्यता दिइएको सन्दर्भले सुदूरपश्चिमको आरेपच्छिमा वर्गमा पर्ने भाषा नै अछामी भाषा हो । अछामी भाषाका काल पक्षको स्तरीय नेपालीसँग तुलना गर्नु, अछामी भाषाका व्याकरणात्मक कोटि अन्तरगत लिङ्ग र वचनको विशेषताको अध्ययन गर्नु यस लेखका उद्देश्य रहेका छन् । यस आलेखको तयारीका क्रममा द्वितीय स्रोतमा आधारित छ । यसमा सामग्रीको विवेचनाका लागि वर्णनात्मक तथा विश्लेषणात्मक विधिको प्रयोग गरिएको छ । अछामी भाषाका काल पक्षका विशेषता स्तरीय नेपालका सन्दर्भमा पहिल्याउने काम यसमा गरिएको छ । स्तरीय नेपालीभन्दा अछामी भाषाका ध्वन्यात्मक रूपले भिन्न रहेको कुरा निष्कर्ष निकालिएको छ । प्रस्तुत लेखले स्तरीय नेपाली र अछामी भाषाप्रति जिज्ञासा राख्ने शिक्षक, विद्यार्थी, शोधार्थीहरूलाई अपेक्षित सहयोग पुर्याउने कुरामा विश्वास गरिएको छ ।