'टाइपिस्ट’ कथामा लैङ्गिकता {Gender in the 'Typist' Story}

Abstract

प्रस्तुत आलेख भवानी भिक्षुको ‘टाइपिस्ट’ कथाको लैङ्गिक विश्लेषणमा आधारित रहेको छ । यो कथामा लैङ्गिक प्रतिनिधित्वको हिसाबले हेर्दा सात पुरुष र चार महिला पात्र भए पनि भूमिकाका हिसाबले महिला प्रमुख, नेतृत्वदायी हैसियतमा देखिन्छन् । यौनिक अभिमुखीकरणका कोणबाट हेर्दा यो नारी यौन मनोविज्ञानमा आधारित कथा हो । प्रमुख नारी पात्र शान्तिको अवचेतनमा रहेको यौनभावना जागृत भएपछि त्यसको परिपूर्तिको अभावमा परेको आघातलाई यसमा देखाइएको छ । लैङ्गिक रूढिप्रकारका हिसाबले विश्लेषण गर्दा यो कथाका नारी पात्रहरू आधुनिक छन्, आफैमा सक्षम छन् । आर्थिक हिसाबले बलिया रहेका देखिन्छन् । धर्म, परम्परालाई यिनीहरूले चुनौती दिएका छन् । परिचयका हिसाबले यिनीहरू दुवै कर्मचारी हुन् । आफ्नो अलग परिचय निर्माण गर्न सफल छन् । तसर्थ यो कथा लैङ्गिकताका दृष्टिकोणले महत्त्वपूर्ण प्राप्ति बन्न पुगेको छ । लेख पुस्तकालयीय अध्ययनमा आधारित छ ।