सन्दर्भवादी पद्धतिका आधारमा बैतडेली गौदान लोकगीतको अध्ययन

Abstract

प्रस्तुत अध्ययन कार्यको शीर्षक सन्दर्भवादी पद्धतिका आधारमा बैतडेली गौदान लोकगीतको अध्ययन राखिएको छ । यस अध्ययन कार्यमा बैतडी जिल्लाका लोकसमुदायमा विवाहका क्रममा गाइने गीतलाई मुख्य विषयवस्तु बनानइएको छ । यस अध्ययन कार्यमा बैतडेली गौदान लोकगीत गाउँदा कस्ता सन्दर्भगत प्रस्तुति गरिन्छन् भन्ने मूल समस्या लिइएको छ । उक्त समस्यालाई मध्यनजर गरी उक्त बैतडेली लोकगीतको अध्ययन र विश्लेषण गरी संवद्र्धन गर्ने उद्देश्य लिइएको छ । यसमा गौदान लोकगीत सङ्कलन गर्न बेतडी जिल्लाको पाटन क्षेत्रलाई केन्द्र मानिएको छ । यहाँबाट उक्त लोकगीत सङ्कलन गर्न मुख्य लोकगायिका र अन्य सहयोगी लोकगायिकालाई सूचकको रूपमा छनोट गरिएको छ । उक्त लोकगीतलाई विषयगत सीमा, पाटनलाई अध्यनीय क्षेत्रगत सीमा, सन्दर्भवादी पद्धतिलाई सैद्धान्तिक सीमा मानिएको छ । त्यसै गरी वर्णनात्मक विधि र विश्लेषणात्मक विधि चाहिँ विधिगत सीमा मानिएका छन् । बैतडेली गौदान लोगीतको अध्ययनबाट यहाँको संस्कार कार्यलाई बचाउन, पुर्खाको सम्पत्ति हस्तान्तरण गर्न र सस्ंकार गीतलाई जीवन्त राख्ने अपक्षा गरिएको छ । यस अध्ययन कार्यबाट बैतडेली गौदान लोकगीतले सैद्धान्तिक रूप ग्रहण गरी एउटा लिखित सङ्ग्रह नै बनाउने काम गरिएको छ । यसबाट भावी सन्ततिका लागि एक मार्गदर्शन बन्ने विश्वास पनि लिइएको छ ।