कुलेले आत्महत्या गर्यो ? कथामा अनुभूतिको संरचना

Abstract

प्रस्तुत अध्ययन नारायण ढकालद्वारा लिखित कुलेले आत्महत्या गर्यो कथामा वर्ग, पिँढी र प्रभुत्व एवम् दबाव र तनावबाट सिर्जित अनुभूतिको अध्ययनसँग सम्बन्धित छ । यसमा कथाले समेटेको कालगत सन्दर्भ, वर्ग, पिँढीगत दबाव र तनावका परिप्रेक्ष्यमा पात्रहरूले गरेका अनुभूति र दबाव र तनावका परिप्रेक्ष्यमा निर्मित विशिष्ट अनुभूतिको संरचना पहिल्याउने कार्य गरिएको छ । यस अध्ययनका लागि बेलायती समाजशास्त्री रेमन्ड विलियम्स (सन् १९२१–१९८८) को साहित्यको समाजशास्त्रीय मान्यताअनुभूतिको संरचना सम्बन्धी मान्यतालाई कृतिविश्लेषणको मुख्य आधारका रूपमा उपयोग गरिएको छ । अध्ययनको निष्कर्षमा कुलेले आत्महत्या गर्यो कथाले नेपाली समाजका राजनीतिक विकृति, बेरोजगार रआर्थिक अभावबाट पात्रहरूले गरेका विशिष्ट अनुभूतिका साथै दबाव र तनावबाट मुक्तिका लागि प्रतिरोधी चेतना विकसित भएर नयाँ उदीयमान संस्कृतिको जन्मको सङ्केत देखिएको निष्कर्ष निकालिएको छ ।