आमाको सपना कवितामा सौन्दर्य

Abstract

गोपालप्रसाद रिमाल काव्यसौन्दर्य र समयचेतनाका कवि हुन् । उनको आमाको सपना कवितामा काव्यसौन्दर्यका केकस्ता पक्षको प्रयोग गरिएको छ भन्ने समस्यामा केन्द्रित भएर गरिेएको यस अध्ययनमा आमाको सपना कविताको पाठपरक विश्लेषण गरिएको छ ।राजनीतिक परिवर्तनको चाहना राखिरहेको तत्कालीन समयको आवाजलाई सुन्दर र सशक्त काव्यसौन्दर्यमा प्रस्तुत गरिएको यस कविताको विश्लेषणको आधार कविताको भाषा, बिम्ब, अलङ्कार, प्रतीक समयचेतना, दर्शन र सन्देशलाई लिइएको छ । आमाको सपना कवितालाई काव्यसौन्दर्यका उल्लिखित कोणबाट अध्ययन गर्दा यस कवितामा उच्च सौन्दर्यचेतना रहेको निष्कर्ष प्राप्त भएको छ । रिमालको समाज र देशप्रतिको जिम्मेवारीबोध र तत्कालीन समयले चाहेको परिवर्तनको आवाजलाई स्पष्ट रूपमा शक्तिशाली काव्यबिम्बका साथ कवितामा प्रस्तुत हुन सकेको र यो क्षमता कविमा देखिएको आमाको सपना कविताले पुष्टि गरेको छ । शिल्प सौदर्य, समयचेतना तथा दर्शनका कोणबाट रिमालको आमाको सपना सशक्त रचना हो भन्ने निष्कर्ष यस अध्ययनबाट प्राप्त भएको छ।