संस्कृति निर्माणया आधार

Authors

  • वज्रमुनि Bajramuni वज्राचार्य Bajracharya नेपालभाषा केन्द्रीय विभाग Central Department of Nepalbhasha

DOI:

https://doi.org/10.3126/nepalbhasha.v1i1.47320

Keywords:

अस्तित्ववाद, लकस, सभ्यता, संस्कृति

Abstract

जंगली अवस्थां सभ्य जुयाः म्वाय्‌स:गु अवस्थाधुंकाः मनूतय्‌सं थःगु बुद्धि विवेक छेलाः चिन्तन याय्‌गु झोलय्‌ संस्कृतिया निर्माण जुल । मनूतय्‌गु मजीमगाःगु आवश्यकता पूवंकेगु धैगु सभ्यता खःसा सभ्य जुयाः गुकथं म्वाय्‌गु धैगु चिन्तनया उपज संस्कृति खः । लं पुनेगु, बाजं थाय्‌गु सभ्यताया चिं खःसा लं पुनेगु बाजं थाय्‌गु कलात्मक चिन्तन संस्कृति खः । थुजोःगु चिन्तनय्‌ उगु थाय्‌या लकस, मौसम, प्राकृतिक वस्तु, भूगोलं तःधंगु भूमिका म्हिती । पर्यावरणपाखें मनूतय्‌सं थःगु शारीरिक अस्तित्व लेंकातय्‌गु कुतः यानाचोनी । थः व थः चोनागु समाजया अस्तित्व लेंकेगु, निरन्तरता बीगु लागि याःगु मंकाः कुतःपाखें संस्कृतिया जन्म जुइ । संस्कृत भाषाय्‌ परिष्कृतया अर्थय्‌ छेलातःगु खनेदु । थुगु चोसुइ नेपाःगाःया नेवाःतय्‌सं न्ह्याकाचोंगु संस्कृतियात लिधँसा दय्‌कागु दु । भौगोलिक, धार्मिक आस्थाकथं नेवाः संस्कृति निर्माण जुयाचोंगु खनेदु । नेवाः संस्कृति निर्माणया आधार हिन्दू बौद्ध दर्शन चिन्तनपाखें प्रभावित खनेदुसा थुगु चिन्तनया मूल आधार पर्यावरण हे खनेदु । जुलियन स्टेवार्डया सांस्कृतिक पर्यावरणया सिद्धान्तयात थुगु चोसुइ छेलेगु जुइ । जुलियन स्टेवार्डया धारणाकथं पर्यावरणपाखें मनूया जीवनय्‌ प्रत्यक्ष असर लाकी । उगु थाय्‌या लकसया अन्तरक्रियापाखें हे विशिष्ट संस्कृतिया विकास जुइ । प्रकृतिनाप संघर्ष याय्‌बले सुनां त्याकेफै वयागु अस्तित्व लेनाचोनी । सु संघर्षय्‌ बुइ व लोप जुइ डार्बिनया विकासवादी सिद्धान्तया आधारय्‌ जुलियन स्टेवार्डं संस्कृतिया निर्माण पर्यावरणया आधारं जुइ धैगु सांस्कृतिक पर्यावरणया सिद्धान्तयात परिक्षण याय्‌कथं थुगु चोसु तयार जूगु दु ।

Downloads

Download data is not yet available.
Abstract
71
PDF
66

Author Biography

वज्रमुनि Bajramuni वज्राचार्य Bajracharya, नेपालभाषा केन्द्रीय विभाग Central Department of Nepalbhasha

Assistant Professor

Downloads

Published

2022-08-16

How to Cite

वज्राचार्य Bajracharya व. B. (2022). संस्कृति निर्माणया आधार . Nepalbhasha, 1(1), 126–135. https://doi.org/10.3126/nepalbhasha.v1i1.47320