आगन्तुक खँगोः

Abstract

नेपालभाषा लिच्छविकालसिबें न्ह्यः हे प्रचलनय्‌ वय्‌‌धुंकल । थुकिया दसुकथं लिच्छविकालीन अभिलेखय्‌ गैरसंस्कृत खँगोःत थौंतक नेपालभाषाय्‌ छेलाचोंगुयात काय्‌‌छिं । नेपाःया प्रशासनिक ज्याखँय्‌ लिच्छविकालनिसें थीथी कालखण्डय्‌ संस्कृत, मैथिली व खसभाषाया विशेष भूमिका दु । उकिं नेपालभाषाय्‌ थुकिया प्रत्यक्ष वा अप्रत्यक्ष प्रभाव लाइगु स्वाभाविक खः । आधुनिक इलय्‌ जुयाचोंगु वैज्ञानिक आविष्कार, शिक्षा, संचारया तिव्र विकास व आन्तरिक तथा पर्यटकीय व्यवसायं नं नेपालभाषाय्‌ प्रभाव लाकाचोंगु दु ।