समय त्रासदी उपन्यासमा पारिस्थितिक नारीवाद

Abstract

प्रस्तुत लेख समय त्रासदी उपन्यासमा प्रयुक्त पारिस्थितिक नारीवादको पहिचान र विश्लेषणमा केन्द्रित रहेको छ । समय त्रासदी उपन्यासकार सरुभक्त श्रेष्ठद्वारा लिखित मानिसको घृणाजन्य अहङ्कारलाई मुख्य विषयवस्तु बनाई लेखिएको स्वैरकाल्पनिक उपन्यास हो । यसमा मानवीयताको निकृष्ट व्यवहार र कारुणिक त्रासदी गाथालाई प्रस्तुत गरिएको छ । साहित्य समालोचनाका विभिन्न सिद्धान्तहरुमध्ये पर्यावरणीय समालोचना पनि एक हो । यसलाई प्रकृतिकेन्द्री अन्तर्विषयक समालोचना पनि भनिन्छ । पारिस्थितिक नारीवाद पर्यावरणीय समालोचनाको एउटा महत्वपूर्ण  पक्ष हो । यसले नारीहरुले भोग्नु परेका परिस्थितिजन्य कठिनाइहरुको अध्ययन गर्दछ । यस आधारमा मूल्याङ्कन गर्दा समय त्रासदी उपन्यासमा वर्तमान सन्दर्भमा भोग्नु परेका परिस्थितिजन्य यथार्थहरुको चित्रण गरिएको कुरा स्पष्ट हुन्छ ।