सुनवल नगरपालिकास्थित विद्यालयका बहुभाषिक कक्षाका विद्यार्थीहरूको नेपाली वाक्यगठनगत त्रुटि

Abstract

प्रस्तुत लेखको उद्देश्य सुनवलका मगर र थारु मातृभाषी विद्यार्थीहरूको नेपाली वाक्यगठनगत त्रुटिहरूको पहिचान गरी तिनको कारण र निराकरणका उपायहरूको विश्लेषण गर्नु हो। यसको ढाँचा गुणात्मक रहेको छ। लेखमा व्याख्यानवादमा आधारित दार्शनिक दृष्टिकोणलाई अवलम्बन गरिएको छ। ज्ञान निर्माणको प्रमुख स्रोतमा प्राथमिक र द्वितीयक स्रोतका सामग्रीको उपयोग गरिएको छ भने तथा विश्लेषण एस पिट कार्डको त्रुटि विश्लेषण सिद्धान्तका आधारमा गरिएको छ। सुनवलका चारवटा सामुदायिक विद्यालयका आठ जना मगर र आठ जना थारु विद्यार्थीहरूलाई सोधपुछमूलक विधिको प्रयोग गरी नमुना छनोट गरिएको छ। विषयगत परीक्षा, कक्षा अवलोकन तथा अन्तर्वार्ताबाट तथ्य संकलन गरिएको हो। तथ्या विश्लेषणमा नाम पदावली, क्रिया पदावली, नाम पदावली र क्रिया पदावलीबीचको सड्गठनात्मक प्रयोग जस्ता क्षेत्रमा त्रुटि भएको पाइएको छ। त्रुटिका कारणमा मातृभाषाको प्रभाव, नेपाली भाषाको शैक्षिक ज्ञानको कमी, विद्यार्थीको लापर्वाहीजस्ता कारण देखिएका छन्।